زجل: المودن أحمد
هدُّونا بالحبس والزْعِيمْ فينا سجنوه...
خوفونا بالزلط حيت الملايين غَرْمُوه.
خفنا على راسنا لنتبعوه...
قلنا لهم بصوت ضعيف يلاَّه سمعوه:
ها فُمنا مسدود ويلا بغيتو نخيطوه ...
ياك الفم المسدود الدَبَّانْ مَيْدَخلوه؟!
..........
قالونا : كِجاتكمْ تاونات يا الفُهامة؟
قلنالهم: بْحايْلا راحنا فالسويد وخَّا هي غِ حلامة...
جنة خضرا ديك الشي ديال العظمة...
الخير موجود والتنمية مُستدامة...
مَكَايَنْ شكايات مجهولة ولا عندنا شكامة ...
الكودرون من غفساي حتى لكتامة ...
نابت فجنبو النوار والخزامة ...
الفلاحة زاهية والناس خدامة...
لا رشوة لا وجهيات لا ظلامة....
المسؤولين ملائكة نزلوا من السما
أولياء الله صالحين كُرَمَا
والدولة مزيانة الله يزين لِيَامَا
............
مْبَرْعِينْ فالجبال كِالنعامة...
الراس فالتراب والرجلين فالسَّمَا...
مدعرفشي منا العياشي من شامة...
كلشي قاري كلشي عُلاما...
مبغينا ضو ولا طريق ولا مَا...
بغينا ليكم غ الترفيهة والسلامة...
والله يجعل البركة فالميزان، لامبة...و الحمامة.
.........
إيوا كجاتكم هاد المنامة؟
هدهي الحقيقه بالمقلوب راس من التحت ورجلين من الفوق خسنا من السويد عا الياء ودال
ردحذفEd-daousy Med
ردحذفأحلى كلام فيه حكمة ورسائل بالواضح للذين يستحمرون أهالينا وأبناء قبائلنا المجيدة. نقول لأولئك : انتظرونا فاليوم لكم وغدا عليكم.
الزغاري المغربي
ردحذفالله يعطيك الصحة ياسي المودن بوعمامة...
كلامك بليغ و رزين ويفهموه الفهامة...
لا ماء لا طريق لا تنمية مستدامة....!!!
غير حاولتي ترسم المستحيل على وجه الما....
الفقر والجهل والبطالة عطات ريحة زكامة...
آآآآحياااااني على التعليم والصحة العامة....!!!
Mohamed Merizak
ردحذفكلام زين خارج من دماغ رزين خاطئ راسو من قلة الدين. قلبو محروق على اللي ضرباتو العين سلا هما في مفرجين وشي وحدين حسبوهم شامتين
الله يدير شي تاويل دالخير ويعم تاونات كل خير ويتقاضا الاحتجاج والنكير (بثلاث نقط على الأكتاف) عرفناك راجل وولد القبيلة الأمثلة بحالك قليلة وشلل ناس فيها دليلة وشي عايش مبرع شي عايش في بالحيلة
محمد السباعي
ردحذفوالي فهمنا نديروه فوق الراس عمامة من تمى حتى ليوم القيامة
Med Alaloui
كلام فى محالو أخي نتمنى هاد الحلامة. دصباح. يوم من الأيام حقيقة
Alilou Zerouali
فحال هاد الكتابة
كتجرني نمشي نشرب
شي كاس داتاي مشحر باللقاما
Taounate Go Green
هههههه..... وفين تيسة وطاهر السوق لتكتمل الخريطة
Mohammed Bousraraf
فتحت الشهية للكثير من الزجالين. رائع هذا الأسلوب الساخر .
Mohamed Elkit
تبارك الله عليك
Mustapha Jabli
بارك الله فيك وللحلامة الرائعة
Echarifi Samir
مبدع فنان. ..رووووووووووعة
Lemraji Abdo
حياك الله أخي الكريم
خالد التسير
تحية لك ايها الزروالي القح رائعة احسن ماكتبت .
Said Achnikh
والزْعِيمْ فينا ?????
MC Fadil EL Mouddan
روعة إبن عم
Meknessi Snak
روعة أستاد أحمد
Mohamed Jazouly
حسن جدا20/20
Hamid Merizak
كلام موزون نتمناو افهموه الفوهاما
Ai Mah
وهاد الخاطرة يا سي احمد ديل العظاما .
Mohamed Merizak
ردحذفالروعة روعة معلم ، بغينا القصيدة تتعمم ، وبجميع اللغات تترجم ، وتخلي كل واحد فينا يحلم ، وفي كلمة يدعي مع اللي تظلم ، بغاو فوامنا تتكمم ، حيت عبرنا على الغبينة والهم ، وبغاو يقريونا اللي دول يندم ، ويحذرونا بعندك تتكدم المعلم ويخونو بك اللي كنت بهم محزم
Nabyh Bary
ردحذفعظيم والله عظيم كما عودتنا دائماً يعطيك العافية هههه الصحة. ..
Elghali Frakchi
زجال والله يابن المشاع والكركاع
عبد الرحمان ابو اسامة
ردحذفهاد الشي اخاي أحمد كولو كاين رحنا بخير مخصنا حتى حاجة المخزن راه متهلي فينا